Кошарка Вардар со пресврт до победа против Пелистер
Во последниот натпревар од 7. коло во кошаркарскиот шампионат на Македонија, Вардар го совлада Пелистер со 65:63.
Гостите од Битола во последниот период влегоа со предност од шест поени, но во завршница домашните успеаа да стигнат до триумф и да ја забележат втората победа сезонава.
Најефикасен во победничката екипа со 23 поени беше Џуниус Провер, Дино Радош беше стрелец на 12 додека Павле Михајлоски впиша 11 поени и шест скока.
На спротивната страна Габриел Билер мечот го заврши со 24 поени и 17 освоени топки под обрачите, а Тајрон Херис беше стрелец на 19 поени.
