Тексашкото дерби за Далас, продолжува победничката серија на Минесота

Во НБА лигата одиграни се 10 натпревари. Во тексашкото дерби Далас со 128:108 го совлада Хјустон и ја забележа третата победа во низа. Лука Дончиќ мечот го заврши со 20 поени и шест скока, Девин Херис додаде 20 поени и четири додавања додека Херисон Барнс и Џеј Џеј Бареа беа стрелци на по 13 поени.

Во поразениот тим Џејмс Харден имаше учинок од 25 поени, 11 освоени топки под обрачите и 17 асистенции, но тоа не беше доволно Хјустон освен во третиот период достојно да му се спротивстави на ривалот. Џејмс Енис, Клинт Капела и Дануел Хаус постигнаа по 18 поени.

Минесота славеше над Сан Антонио со 128:89 и со четвртата последователна победа се приклучи во трката за влез меѓу осумте најдобри на Западот.

Роберт Ковингтон забележа 21 поен и девет скока, а Карл Ентони Таунс впиша 16 поени и 11 скока. Во редовите на Сан Антонио најефикасен со 14 поени беше Јакоб Пелтл.

НБА РЕЗУЛТАТИ

Шарлот – Атланта 108:94

Филаделфија – Њујорк 117:91

Бруклин – Јута 91:101

Милвоки – Чикаго 116:113

Њу Орлеанс – Вашингтон 125:104

Оклахома – Кливленд 100:83

Портланд – Орландо 115:112

ЛА Клиперс – Феникс 115:112