Спорт Стартува новата сезона во ПМФЛ
Денеска се играат четири натпревари од првото коло во фудбалскиот шампионат на Македонија. На отворањето од новата сезона во Струмица победникот на Купот, Академија Пандев е домаќин на шампионот Шкендија.
Новиот прволигаш Струга Трим Лум го пречекува Работнички, Шкупи пред своите навивачи се среќава со Борец додека Ренова е домаќин на Силекс. Сите натпревари почнуваат од 17 часот и 30 минути.
Првата рунда во домашниот шампионат се затвора утре со градското дерби меѓу Вардар и Македонија ЃП, дуелот стартува од 17 и 30, а поради зафатеноста на арената Тодор Проески натпреварот ќе се игра на терените на тренинг центарот Петар Милошевски.
