Спорт Српски судија ќе ја дели правдата на финалето во ЛШ
Српскиот судија Милорад Мажиќ ќе ја дели правдата на финалето во Лигата на шампиони помеѓу Реал Мадрид и Ливерпул, што се игра на 26 мај во Киев, Украина.
Од претходно се знаеше дека тој е меѓу главните кандидати, но денеска Судиската организација при УЕФА донесе конечна одлука. 45-годишниот Србин е интернационален судија уште од 2009 година, а досега најголем успех во кариерата му е делењето на правдата на финалето од Купот на конфедерациите минатото лето помеѓу Чиле и Германија.
Бјорн Кујперс од Холандија ќе го суди финалето во Лигата на Европа, што се игра на 16 мај во Лион, помеѓу Атлетико Мадрид и Олимпик Марсеј.
