Спорт Шкендија му гостува на Дуделанж
Фудбалерите на Шкендија попладнево од 17 часот и 55 минути во Луксембург против Дуделанж ќе го одигра реванш дуелот од второто квалификациско коло во Лига Европа.
Македонскиот првак по првиот меч во Скопје доживеа пораз од 2:1, но во редовите на тимот од Тетово најавуваат далеку подобар настап и дека ќе се обидат да ја надополнат негативата што ќе им донесе пласман во следната фаза.
“Го анализиравме првиот меч и ги најдовме пропустите. Ќе мораме да одиграме на многу повисоко ниво на реваншот и верувам дека имаме сили за тоа. Не смееме да си дозволиме грешки како на првиот меч”, изјави тренерот на Шкендија, Ќатип Османи.
Натпреварот се игра на стадионот Жози Бартон и почнува во 17 часот и 55 минути.
