Кошарка Милвоки поведе против Торонто со 2:0
Кошаркарите на Милвоки повторно ја искористија предноста на домашниот терен и во финалната серија на Истокот против Торонто поведоа со 2:0.
Милвоки славеше со 125:103, а првата ѕвезда во домашниот тим Јанис Адетокумбо мечот го заврши со 30 поени, 17 скока и пет асистенции. Ерсан Иљасова беше стрелец на 17 поени додека Никола Миротиќ имаше учинок од 15 поени и шест освоени топки под обрачите.
На спротивната страна Каваи Ленард впиша 31 пен и осум скока, а Паскал Сиакам постигна 15 поени.
Серијата се сели во Торонто, а следниот натпревар ќе се одигра в понеделник.
