Македонија во вториот сад во квалификациите за Евро 2022

Во пресрет на жрепката за квалификациите за Европското првенство во ракомет во машка конкуренција што ќе се одржи во 2022 година, а домаќини се Унгарија и Словачка, ЕХФ ги одреди квалитативните садови. Селекцијата на Македонија се наоѓа во вториот сад заедно со Австрија, Белорусија, Португалија, Србија, Русија, Црна Гора и Полска.

Директен пласман во завршницата на првенството покрај домаќините обезбедуваат и националните тимови на Шпанија и Хрватска, а преку квалификациите учество на континенталниот шампионат ќе обезбедат двете првопласирани од сите осум групи и четири најдобри од селекциите кои завршиле на третата позиција.

КВАЛИФИКАЦИИ ЗА ЕП 20202 – КВАЛИТАТИВНИ САДОВИ

САД 1: Норвешка, Шведска, Данска, Франција, Германија, Словенија, Чешка и Исланд

САД 2: МАКЕДОНИЈА, Австрија, Белорусија, Португалија, Србија, Русија, Црна Гора и Холандија.

САД 3: Швајцарија, Литванија, Романија, Босна и Херцеговина, Украина, Летонија, Полска и Белгија

САД 4: Финска, Италија, Турција, Израел, Естонија, Грција, Косово, Фарски Острови

Квалификациските натпревари се играат на 4/5 и 8/9 ноември 2020, вториот круг е на 10/11 и 13/14 март, 2021 додека последното коло е на програмата 29 април и 2 мај.

Жрепката ќе се одржи на 16 јуни, а почетокот е закажан за 17 часот.