Спорт Македонија со најдобар ФИФА-ранкинг уште од 2010 година
Македонската фудбалска репрезентација направи скок од шест места на најновата ФИФА ранг-листа и моментално се наоѓа на 71-то место.
Националниот тим напредуваше и покрај фактот што изминатиот период не одигра ниту еден натпревар. Сега имаме 451 поен на ФИФА-листата и се наоѓаме едно место зад домаќинот на Светското првенство Русија. За Македонија ова е најдобриот ранкинг во последните осум години.
На врвот на табелата нема промени, Германија е прва пред Бразил и Белгија. Потоа следува европскиот првак Португалија, Аргентина, Швајцарија и Франција. Полска скокна две позиции и сега е осма, пред Чиле, додека Шпанија падна на десетата позиција.
