Кошарка Кошаркарските надежи денеска против Словачка
Македонската машка кошаркарската репрезентација до 18 години на Европското првенство Б дивизија што се одржува во Романија денеска од 14 часот се среќаваат со селекцијата на Словачка.
Избраниците на селекторот Тони Симиќ имаат одлична можност да ја продолжат триумфалната низа и со победа во дуелот против последнопласираниот во групата да се зацврстат на првата позиција на табелата.
Во досегашниот дел од турнирот македонските кошаркари забележаа три победи во исто толку натпревари и веќе го обезбедија пласманот во четврт-финалето.
Во останатите мечеви од денешната програма играат Грузија – Украина и Република Ирска – Данска.
