ДОМИНАЦИЈА НА МАРКЕЗ ВО ХЕРЕЗ

Светскиот првак во мотоциклизам,Марк Маркез брзо се поправи за излетување на Американското Гран при и денеска доминираше пред домашната публика на трката во Херез.Успехот на шпанските мотоциклисти во најсилната МОТО ГП класа со пласман на подиумот го комплетираа Алекс Ринс на Сузуки и Маверик Вињалес од тимот на Јамаха.

Маркез на Хонда успеа по стартот да се избори за 1-то место, позиција што не го испушти до крајот возејки соло трка.Двоецот на Петронас Јамаха,Квартараро и Морбидели кој ги имаа најдобрите две позиции во квалификациите потрфлија на 4-та трка од сезоната. Дефект на моторот го оддалечи младиот французин од борба за подиумот,италијанцот Морбидели заврши на 7 место.

Со третата победа сезонава,Маркез се проби до врвот во генералниот пласман со 70 бодови,1 повеќе од Ринс ,3 од Дивициозо и 9 бодови од Роси кој денеска по старт од 13 позиција финишираше на 6.место.Сезоната продолжува во Ле Ман,каде на 19 мај ќе се вози трка за ГП на Франција.