БРИТАНСКИОТ МАГНАТ РЕТКЛИФ ВО НОВА ОФАНЗИВА ЗА ЧЕЛЗИ

Според Тајмс,најбогатиот британец , Сер Џим Ретклиф останува заинтересиран за купување на Челзи.Сопственикот на клубот од Стемфорд бриџ,рускиот милијардер Роман Абрамович е дистанциран поради политички проблеми и најави дека ќе го продаде клубот.Тој има проблем да добие виза поради влошувањето на односите помеѓу Велика Британија и Русија.

Сер Ретклиф има втор обид да го преземе клубот.Мината година тој понуди сума од 2,1 милијарда евра, која Абрамовиќ веднаш ја одби бидејќи тој е дециден дека не го продава клубот за износ помал од 3 милијарди евра.Абрамовиќ го купи Челзи за 160 милиони фунти пред 16 години.

Вредноста на богатството на Ретклиф е проценето на 21 милијарда фунти. Тој неодамна стана сопственик на велосипедскиот тим Скај, кој на крајот на оваа година своето име ќе го промени во Инеос, гигантот за петрохемиска индустрија, кој е во негов посед.Можноста да ја зголеми понудата до Абрамовиќ се укажа откако Ретклиф најави преселба од Велика Британија во Монако каде би заштедил 4 милијарди фунти на даноци.