Кошарка АСВЕЛ и Баерн со двегодишни лиценци за Евролига
На денешниот состанок на бордот на Евролигата што се одржа во Тел Авив донесена е одлука од следната сезона наместо 16 во трката за титулата да се натпреваруваат 18 екипи.
Двегодишни лиценци за сигурно учество во елитното кошаркарско натпреварување добија АСВЕЛ од Вилербан и минхенски Баерн кои им се приклучија на Ефес, Фенербахче, Панатинаикос, Басконија, Макаби, Реал Мадрид, Армани, Жалгирис, Барселона и Олимпијакос.
Останатите шест тима настап во Евролигата ќе обезбедуваат преку регионалните лиги и националните шампионати.
