Со редовни прегледи против карционом на грло на матката

Секоја жена треба навреме да ги прави гинеколошките контроли, вели Анета Јовановска на која пред пет месеци и бил дијагностициран рак на матка прв стадиум. Веднаш се реагирало со оперативен зафат.

Имав доста агресивен карционом на грлото на матката. Пак ќе речам открин во рана фаза. Сето тоа се извади, се започна со хемо терапија. И затоа сметам дека секоја жена треба да врши контроли и тоа според мене на секои шест месци иако јас ги правев редовно сите тие прегледи и пап тестови, вели Анета Јовановска.

Важно е жените да бидат информирани за предностите доколку карциономот на грло на матка се открие во рана фаза. За тоа говори и фактот дека навремените контроли ја намалија речиси двојно бројката на жени со оваа дијагноза.

Доколку во 2009 – та бројот на новодијагностицирани изнесуваше над 500 нови случаи од рак на грло на матка, сега таа бројка е над 200. Значи скоро половина се намалени новодијагностицираните, вели Биба Додева, претседател на „Борка“.
Подобро е да се спречи, отколку да се лечи. Не само поради човечката трагедија, заради социјалната трагедија, заради финансиската, туку и заради општочовечката трагедија, рече доц. д-р Горан Димитров, претседател на македонското Здружение за цервикална патологија, колпоскопија и ХПВ.

ХПВ вакцинацијата има удел во превенирање на карциномот на грло на матка и таа во развиенте земји се подразбира, смета д-р Грозданова.

Ние од оваа година започнуваме со вакцинација со четиривалентната вакцина за ХПВ. Воведена е во редовниот календар на имунизација и драго ни е ако порано се движеше од 30 до 40 %, веќе имаме одредени показатели за над 60 %, вели проф. д-р. Александра Грозданова, Претседател на комитетот за имунизација.

ХПВ вакцината во Македонија е воведена во редовниот календар како задолжителна вакцина за девојчиња на 12 годишна возраст и ја вршат службите за вакцинација од Здравствените домови , кои го спроведуваат и вакцинирањето со останатите вакцини. Во светот секои 2 минути умира по една жена од рак на грлото на матката.

Нина Стефанова