Спорт Федерер и Изнер за титулата во Мајами
Роџер Федерер и Џон Изнер ќе се борат за титулата на вториот турнир од Мастерс серијата што се одржува во Мајами. Во женска конкуренција вечерва во меч за трофејот ќе се соочат Ешли Барти и Каролина Плишкова.
Федерер без поголеми проблеми во меч што траеше 74 минути во два сета со 6:2 и 6:4 го совлада 23-от носител Денис Шаповалов и во утрешното финале ќе се сретне со седмиот фаворит Џон Изнер кој претходно со 7:6 и 7:6 славеше во дуелот против Феликс Ожер од Канада. Во женското финале кое на програмата е попладнево Барти за противничка ја има Плишкова.
