Кошарка АБА 2: ВТОР ПОРАЗ НА МЗТ ВО 2019
МЗТ загуби со 98-75 на гостувањето во Белград и не ја оствари петтата победа во низ од настапите во АБА 2 лигата.Вечерва против составот на Динамик,МЗТ одигра просечно првото полувреме по кое имаше 9 поени негатива ,но шансата за гостински триумф дефинитивно пропадна во третата четвртина која домаќинот ја доби со 31-18.Завршните 10 минути,скопската екипа ги одигра со осцилации и заврши со втор пораз во 2019 година.Динамик ја доби битката под обрачите со 40 скокови од кои 12 офанзивни ,наспроти 25 кај МЗТ. Џејмс Вудард со 26 поени од кои шест од линијата за три беше најдобар кај македонскиот вице шампион. Бојиќ заврши со 15 , Магдевски со 12 поени.МЗТ застана на 3.позиција,Динамик се искачи на 4.место.Шансата за 2.место кое овозможува предност во плеј-офот,Металците ке ја бараат во последните 3.кола.Во следното 20-то, МЗТ после завршницата на домашниот Куп,на 28 февруари ја пречекува Рогашка.
