Ракомет ДИСИНГЕР НА ПОЗИЦИЈА НА СУСПЕНДИРАНИОТ БОРОЗАН ЗА МЕЧОТ СО МЕШКОВ БРЕСТ
Ракометарите на Вардар имаат можност за нови бодови во А групата од ЛШ.В сабота во Скопје гостува Мешков Брест,екипа која пред неколку дена во меч од Сеха лигата го порази вториот тим на Вардар.Македонскиот првак има биланс од 4 победи и еден пораз па со 8 бодови е на врвот од табелата во друштво на Барселона и Кјелце кои в недела го очекуваат меѓусебниот дуел.
Се враќаат натпреварите од Лигата на шампионите. Се обидуваме да го подготвиме тимот бидејќи е тешко поради тоа што играчите беа со репрезентацијата и немавме воопшто заеднички тренинзи. Ова е тежок и важен меч и ни треба победа. Мешков е добар тим, играат силна одбрана и агресивно. Нема да биде лесно, а ние се обидуваме да се подготвиме најдобро што можеме и да ги освоиме бодовите– изјави Роберто Парондо,тренер на РК Вардар.
Сме играле многу пати. Имаат нов тренер што покажува деке нешто е сменето. Покажаа дека имаат квалитет. Ние треба да покажеме дека сме фаворити. Имавм епроблеми во тимот, повредени па сега и некоја суспензија. Но, тоа е тоа, нема оправдување и мора да се оди на победа-изјави Стојанче Стоилов , капитен на РК Вардар
Суспендиран за мечот со Мешков е бекот Вуко Борозан.Неговото место се очекува да го пополни новото засилување,германскиот репрезентативец Кристијан Дисингер, поранешен играч на Кил. Натпреварот во СЦ Јане Сандански почнува од 17.30.
