Култура

(видео)Самир Љума и Фејми Даут од „Медена земја“ добија награда за најдобра кинематографија од Американската асоцијација

Самир Љума и Фејми Даут снимателите на македонскиот документарен фил „Медена земја“, кој се бори за Оскар се добитници на наградата за најдобра кинематографија за документарен филм на 34 доделување на наградите на Асоцијата на кинематографери на Америка.

Тие се први добитници на оваа награда, која Асоцијацијата ја воведе годинава, а доделувањето се одржа во театарот „Долби“ во Лос Анџелес.

Наградата им ја додели режисерот на филмот Џокер, Тод Филипс. „Медена земја“ досега има добиено повеќе од 15 награди на престижни фестивали ширум светот и е првиот македонски филм кандидат за Оскар во две категории.

Наградата добива на тежина ако се земе в предвид со каква опрема и во какви услови работевме изјави Самир Љума и Фејми Даут веднаш по врачувањето на наградата.

„Многу е чудно. Пресреќни сме што сме дел од ваква една церемонија и ова е првпат некој од Македонија да присуствува на неа. Асоцијацијата ја препозна нашата работа во кинематографијата и ние тоа многу го цениме“, изјави Фејми Даут.

„Многу сме возбудени што добивме награда и што и да кажеме ќе звучи чудно со нашето говорење на англискиот јазик. Не можам да ви доловам колку сум благодарен кон Асоцијацијата затоа што ни ги отвори вратите од кинематографијата и затоа што ги зема документарните филмови во предвид како категорија. Особено задоволство ми е што ние сме првите добитници на наградата за документарен филм од страна на Асоцијацијата. Тоа е вистинска чест за нас и благодариме многу на секој член на Асоцијацијата. Ако видите од каде доаѓаме, со што работевме, колку бевме посветени – тоа е многу добар пример за секој што сака да ја работи оваа работа да се увери дека навистина се е возможно. Секој може да ја држи оваа награда еден ден, ако сте искрени и го сакате тоа што го работите, само тогаш може да ви се оствари сонот“, рече Самир Љума.