Култура Студентката Јована Спасиќ победи на фестивалот „ Денови на Данило Лазовиќ“
Јована Спасиќ , студентка на Факултетот за драмски уметности во Скопје, победи на фестивалот за рецитирање поезија „ Денови на Данило Лазовиќ “, чие седмо издание се одржа во Прибој- Србија, од 22 до 25 октомври, соопштија од ФДУ. За настапот на фестивалот , Спасиќ ја подготвуваше проф.д-р Тихомир Стојановски, кој на ФДУ предава сценски говор. Лауреатката победи со песната од Петре М. Андреевски, „ Ти направи едно нешто што се прави еднаш“.
Јована Спасиќ е трета година на ФДУ, во класата за актерска игра, што ја водат проф. др. Сузана Киранџиска и Кристина Леловац.
