Култура Ненадејно почина режисерот Златко Славенски
На 53 години, денеска ненадејно почина театарскиот режисер и професор на ФДУ, Златко Славенски.
Смртта настапила на час со неговите студенти, потврдија за Телма од ФДУ. Златко Славенски подеднакво поставуваше и класици и современи автори, а имаше посебен афинитет кон примената на современата технологија и квантната физика во театарот.
Негови претстави се „ Амадеус“, „ Розенкранц и Гилдестерн се мртви“, „ Папокот на светот“, „ Будење“, „ Соларис“, „ Кавкаски круг со креда“, „ Сината птица“.
Беше сопруг на актерката Искра Ветерова.
