Култура Ќазим Асотиќ нов в.д. на МОБ
Фаготистот Ќазим Асотиќ, е нов в.д. директор на Македонската опера и балет. Тој доаѓа на местото на Илија Рајковски, кој беше назначен на истата функција по смената на власта лани во јуни. Асотиќ повеќе од 3 децении е дел од оркестарот на МОБ. Тој работел и како продуцент, сценарист, режисер на повеќе настани дома и во странство, а бил и менаџер и се занимавал со хуманитарна дејност. Како што дознава Телма, новиот в.д. директор на МОБ, Ќазим Асотиќ, веќе остварил средби со уметничките директори во МОБ, Бисера Чадловска и Олга Панго.
