Култура Почина Шарл Азнавур
На 95 години почина Шарл Азнавур, легенда на француската шансона и актер, пренесе неговиот портпарол. Талентот на Азнавур во младоста го откри Едит Пјаф, овозможувајќи му да стане голем поет и текстописец на шансони, поради кои го доби епитетот француски Френк Синатра.
Покрај особената боја на гласот како негов заштитен знак, Азнавур беше магнет за публиката и со искрените, стравствени и мелодраматични настапи. Во долгата кариера тој продаде повеќе од 180 милиони албуми, одигра повеќе од 60 улоги на филм и заработи ѕвезда на холивудската патека на славните. Шарл Азнавур беше прогласен за пејач на векот, 1998 година, од страна на CNN, а престојуваше и во Македонија, 2009 година.
Од фестивалот на француски филм во Охрид, Шарл Азнавур замина со наградата „ Златна маска“, за животно дело.
