Култура Изложба на Адем Кастрати
Живот полн со страдања во време на немаштија и војни, идиличните претстави на родниот крај, запаметен од годините на детството, животот со семејството и незаборавните бои и мириси кои што ќе останат во него меморирани до крајот на животот се разоткриваат во богатото и разнолико творештво на Адем Кастрати доајенот меѓу албанските сликари во Македонија.
„Тој е еден од личностите со најголемата индивидуалност и со најголемо патешествие, така што можеме и тиа негово патешествие да го согледаме во неговите дела . Го има тој т.н фламански стил на изразување којшто е присутен и кај Бројгел каде што тие патешествија, тие наивни ситуации или фамилијарни кои се присутни во секојдневието е присутно и кај него“, кажа Дита Старова – Ќерими, директор на Национална галерија на Македонија
Во делата на Адем Кастрати често се среќава фигурата на мајката стожер на семејството. Богатото и разнолико творештво на Кастрати е препознатливо и по сликарската техника, земјани бои на платно. Земјата во неговиот роден крај косовското село Горно Карачево пребогата со пигменти ја употребил и како сликарски материјал дотогаш непозната техника во ликовната традиција, создавајќи оригинална техника не само во албанската уметност, туку и
„Тој креира една своја техника која ја истражува долги години од својата родна земја го зима песокот и создава интересна карактеристична техника земјени бои која е лична за него“, кажа Дита Старова – Ќерими директорка на Националната галерија на Македонија
Во поставката се опфатени деведесет дела кои ја разоткриваат сета разноликост и оригиналност на Адем Кастрати чии дела досега се изложувани во Скопје, Приштина, Белград, Тирана, Виена, Женева, Париз и Минхен.
Нина Стефанова
