Жена пронајдена мртва во охридското село Велгошти

Средовечна жена попладнево околу 17 часот е пронајдена мртва во нејзината семејна куќа во охридското село Велгошти.

Портпаролот на СВР Охрид Стефна Димоски ја потврди информацијата за случајот, со кусо појаснување дека полициски екипи во присуство на јавен обвинител вршат увид на лице место, без притоа да се даде поединости околу идентитетот на лицето ниту за причините за настапувањето на смртта.

Првичните информации укажуваат на убиство оттаму што жената, инаку мајка на две малолетни деца, била пронајдена мртва со најлонска вреќа врз главата.

Охридското обвинителство соопшти дека починатата ја пронашле соседите во нејзиниот дом, каде што живеела сама. На телото биле видливи траги на насилство.

По наредба на јавниот обвинител, на лице место се обезбедени траги кои ќе бидат предмет на вештачење, издадена е наредба за обдукција на телото на починатата, и се трага по сторителот.