Законот за заштита од дискриминација за едни е неопходен, за други напад на семејните вредности

Жестока дебата во Собранието околу законот за заштита од дискриминација исполнета со реплики и контрареплики меѓу пратеникот Влатко Ѓорчев од една страна и министерката Мила Царовска и пратениците од СДСМ од друга.

За предлагачот на законот, министерството за труд и социјална политика, овој закон е неопходен и со него се прошируваат основите за дискриминација, подобро се дефинира поимот и дефиницијата за дискриминација, се професионализира Комисијата за заштита од дискриминација и се прецизира начинот на избор на членови.

Пратеникот Ѓорчев во своите обраќања најмноу се задржа на бракот и семејството и семејните вредности кои според него со овој закон се ставаат под знак прашање. Тој постави неколку директни прашања до министрката и до пратениците кои го поддржуваат законот за заштита од дискриминација.

Тој ја обвини Царовска дека избегнува дебата за зконот и дека ниту еднаш бне присуствувала на седница на собраниската комисија и праша дали по усвојувањето на законот ќе семенува и содржината на учебниците.

Пратеникот Павле Богоевски потенцираше дека досегашната законска рамка не обезбедувала доволна заштита што се пресликало во општеството и медиумите бидејќи биле регистрирани стотина дела од омраза за кои немало судски епилог.

Богоевски од Собраниската говорница го обвини Ѓорчев и неговата партија дека со тврдиот став по ова прашање создале огромни проблеми на неколку категории граѓани.

За пратеничката Благица Ласковска проблематична е уредбата со која се прекинува мандатот на досегашната комисија, нешто што е укажано како потенцијален проблем во извештајот на Венецијанаската комисија.

Законот за заштита од дискриминација е дел од реформскиот пакет кој Брисел го бара од Македонија.

Огнен Чанчаревиќ