Македонија Заканувачот Јакимовски приведен поради семејно насилство
Приведен е Емил Јакимовски, екс-вработениот во Централен регистар кој им се закануваше на новинарките Мери Јордановска и Искра Коровешовска.
Во моментот тој е во полициска станица, потврдуваат од МВР за Телма. Од МВР исто така потврдија дека тој бил приведен по претходна пријава за семејно насилство и ќе биде задржан на понатамошна постапка во координација со обвинителството. Неофицијално, вчера Јакомовски бил пријавен и за други случаи за закани и насилство.
Од скопското обвинителство велат дека се уште не добиле кривична пријава од МВР. Единствено до нив стигнало барање од полицијата да издадат наредба за обезбедување на телефонската и интернет комуникацијата на Јакимовски.
