За давење на полициски службеник на крвавиот четврток- 2 години и 10 месеци затвор поради признаена вина

На 27-ми април во собраниската сала го давел обезбедувачот на Оливер Спасовски, а вчера пред суд признал вина и добил поблага казна од 2 години и десет месеци затвор.

Скопјанецот Петре Жежовски ја признал вината за кривичното дело насилство, а случајот го водеше скопското обвинителство. Жежовски е трет обвинет за насилство на крвавиот четврток кој ја признава вината пред судот. Сите овие случаи ги води скопското обвинителство.

Од друга страна, обвинителството за организиран криминал покрена обвинение за терористичко загрозување на уставниот поредок против 5-мина пратеници, екс министерот Чавков и уште 24 обвинети. Судењето по ова обвинение е закажано за 22-ри август.