Втор месец ги нема сите учебници за основците, Бирото за јавни набавки допрва ќе прави проверка на постапката

Тече вториот месец од почетокот на учебната година, а дел од учебниците сеуште ги нема . На социјалните мрежи врие од реакции. Родител пишува дека учебникот по Македонски јазик за 6 одделение сеуште не го добиле во училиштето на неговото дете и дека се повторува ситуацијата со години и станува нормална. Министерот за образование вели дека јавната набавка за печатење е завршена , но допрва, Бирото за јавни набавки треба да ја проверува постапката, по што ќе се печатат учебниците што недостасуваат.

Јавната набавка за печатење заврши. Одлуките се потпишани. Бирото за јавни набавки треба да ја заврши постапката за проверка, по што ќе се потпишат договори и ќе се пристапи кон печатење на учебниците кои недостасуваат, рече Арбер Адеми- министер за образование и наука.

Родител кој живее сам со дете бара реакција од Министерството за образование, за измени во учебникот по Општество за 4 одделение зашто неговото дете, како што вели, е вознемирено од дефиницијата за потесно семејство, која вклучува мајка, татко и деца. На ова прашањето од Телма, министерот Адеми со одговор дека тој учебник е повлечен. Но, кога доби друго прашање дека во учебникот по Македонски јазик за 5 одделение , пубертетот кај децата е опишан на недоличен начин, Адеми повика за таквите грешки родителите да се обратат до Педагошката служба со конкретен предлог за отстранување на тие содржини од учебниците.

Сотир Трајков