Македонија Возачот на автобусот пуштен на домашно лекување
Возачот на автобусот М.Т. (49) од Гостивар, кој вчера попладне се преврте на автопатот Скопје-Тетово е пуштен на домашно лекување.
Директорот на болницата „8 Септември“ Христијан Костов кажа дека возачот бил примен синоќа, по извршените прегледи му биле констатирани телесни повреди и бил пуштен на домашно лекување. Тој упати апел до семејствата на повредените да бидат трпеливи и дека навреме посебно лице од болницата ќе ги известува за нивната здравствена состојба.
Во тешката сообраќајна несреќа која вчера се случи на автопатот Скопје-Тетово загинаа 14 лица.
