Во лабораторијата на Институтот за јавно здравје тестирани околу 260 граѓани, а од викендот ќе се скенира населението во повеќе градови

Здравјствените власти од викендот ќе почнат со скенирање на граѓаните во кризниот регион на Дебар, а ќе продолжат и во соседните градови, како дел од превенцијата против ширењето на корона вирусот. А, во лабораторијата на Институтот за јавно здравје до сега се тестирани околу 260 граѓани , рекоа од Институтот за јавно здравје.

Изолираниот град Дебар, ќе биде прва општина каде викендов ќе започне скрининг на населението, како превентива за граѓаните од ширење на заразата со Ковид-19, информираа од Центарот за јавно здравје. Потоа скринингот кој не значи и тестирање на секој граѓанин поединечно, ќе продолжи во соседна Струга.

Најпрвин ќе се почне од покризните подрачја , како што е Дебар. Знаеме дека Дебар е изолиран град . Потоа Струга , која е во соседството со градот Дебар . И нормално, сигурно ќе има стручни лица кои ќе одлучат , кои групи граѓани ќе бидат опфатени со скрининг- Арбен Зибери- директор на Центарот за јавно здравје.

Во единствената референтна лабораторија за вирусологија при Институтот за јавно здравје, до сега се тестирани околу 260 граѓани, а податоците за нив се испратени до Владата каде се подготвува даба база на податоци, рече директорот на Институтот.

Во лабораторијата на Институтот за јавно здравје на РСМ, досега се направени 258 тестови за Ковд-19, а бројките на позитивните и за негативните се трансферираат во владата на РСМ. Реагенси има и ќе има . За тоа нема потреба од загриженост кај граѓаните- Шабан Мемети- директор на Институт за јавно здравје.

Нема недостаток на заштитна опрема за епидемиолозите, кои во 6 групи се распореденио на терен, дополни Мемети.

А на истокот од државата , обезбеден е материјал за шиење 14 000 заштитни маски . Во 3 конфекции во Штип ќе се шијат 6000 маски, а за останатите , ќе се преговара со други текстилни фабрики.

Сотир Трајков