Македонија ВМРО-ДПМНЕ се придружува кон барањето на Владата за прогласување вонредна состојба
Опозициската ВМРО-ДПМНЕ се придружува кон барањето на Владата за прогласување вонредна состојба. Истовремено, ја повика Владата да им помогне на компаниите на кои им се заканува банкрот.
Средствата за плати и за придонеси што треба да се исплатат за еден месец во загрозените компании се околу 80 милиони евра, а тие имаат заработка од нула денари.
Тоа се главно претпријатија со еден до десет вработени, на кои им е неопходна помош, предупреди Христијан Мицкоски. Го критикува пакетот мерки на Владата со помош од 5 милиони евра, кога загубите им се 110 милиони евра месечно.
