Македонија Вангеловски ги обжалил одлуките на Судскиот совет
Поранешниот претседател на Врховниот суд, Јово Вангеловски ги обжалил и двете одлуки на Судскиот совет, за разрешување и за суспензија, со што ја изгуби и претседателската и судиската функција.
За неговата жалба сега ќе треба да одлучува комисија во Врховниот суд составена од тројца врховни судии, по еден судија од четирите апелацини судови и двајца судии од скопскиот кривичен суд, како матичен суд на Вангеловски.
Доколку се прифати жалбата, Судскиот совет повторно ќе одлучува за неговото разрешување. За истиот случај разрешена беше и судијката Рахилка Стојковска.
