Македонија Судот му одреди притвор на сопственикот на „Дурмо турс“
Судот му одреди притвор на сопственикот на „Дурмо турс“ и на второосомничениот од седумтемина приведени за несреќата кај Ласкарци, третот доби домашен притвор, а еден помина само со мерки на претпазливост. За уште тројца осомничени се уште трае распитот.
Обвинителството побара приведување на седуммина меѓу кои возачот на автобусот, сопственикот на „Дурмо Турс“ и неколкумина вработени во Дурмо Турс и станицата за технички преглед, кои и двете се во сопственост на истиот газда, првоосомничениот Дурмиш Бејули.
Шестмина од осомничените се гонат за тешки дела против безбедноста на луѓето и имотот во сообраќајот, за кои е пропишана казна затвор од најмалку 4 години. Седмиот осомничен се гони за несовесно работење во службата.
