Спасовски, Османи и Филипче не присуствуваат на Советот за безбедност после заразениот кумановски градоначалник

Премиерот Оливер Спасовски, вицепремиерот Бујар Османи и министерот за здравство Венко не присуствуваат на седницата на Советот за безбедност на која се расправа за продолжување на вонредната состојба на територијата на цела држава. Причината е нивната средба со заразениот градоначалник Димитриевски.

Од кабинетот на претседателот Стево Пендаровски соопштуваат дека како процедурално ќе се одвива седницата и за донесените одлуки ќе ги објави претседателот.

На седницата на Советот присуствуваат претседателот на Собранието Талат Џафери, вицепремиерката и министерка за одбрана Радмила Шекеринска, министерот за внатрешни работи Наќе Чулев, шефот на дипломатијата МНР Никола Димитров како и 4-ца претставници на кабинетот, шефот на кабинетот и советниците за безбедност на Пендаровски.

Тројцата владини високи функционери (Спасовски, Османи и Филипче) вчера беа на средби во Куманово на кои беше присутен Максим Димитриевски, градоначалникот на Куманово, за кого денеска е потврдено дека е позитивен на КОВИД 19.