Социјадемократите во ЕП поднесоа амандмани за екстрадиција на Груевски

Бегството на Никола Груевски и азилот кој му го даде Унгарија можно е да влезат во Извештајот на Европскиот парламент за Македонија. Со амндмани од Унгарија ќе се бара да го преиспита азилот кој му го даде на Греувски и да го екстрадира, а за судењето на Груевски да се констатира дека било темелно и транспарентно.

Два амандмани се поднесени од Групата на социјал-демократите, а еден од Групата на Зелените во ЕП.

Левицата бара во Извештајот да влезе и тоа дека македонските законски постапки мора да продолжат според процедурите во земјата и дека Груевски треба да биде одговорна во рамките на македонскиот судски систем.

Унгарија да ја почитува независноста на македонскиот правосуден систем и владеењето на правото во земјата, да го преиспита политичкиот азил даден на Никола Груевски и да пристапи кон негова екстрадиција во Скопје. Очекува сите засегнати страни да дејствуваат строго во согласност со релевантните национални и меѓународни закони и нагласува дека овие судски постапки не треба да се политизираат“, се наведува во едниот од амандман.

Притоа се наведува дека судењето на Груевски било водено во темелен и транспарентен правен процес, по што тој е осуден за злоупотреба на моќ на две години затвор, што е потврдено од повеќе судови, како и тоа дека тој е обвинет и во четири други кривични предмети и инволвиран и во други пет кривични истраги.

Амандамнот кој го бара Групата на Зелените пак ги повикуваа унгарските власти да ги обезбедат сите релевантни информации и потребните објаснувања во врска со случајот на Груевски кој, како што се наведува, избегал од земјата со тајна дипломатска помош на Унгарија.

Ова се смета за чин на мешање во внатрешните работи на ПЈР Македонија, а особено за непочитување на судството и владеењето на правото во оваа земја. Го нотира барањето за екстрадиција од страна на властите во Скопје и очекува Унгарија да дејствува строго во согласност со релевантните национални и меѓународни закони со позитивен одговар на ова барање“, е дел до амндаманот.

Според неофицијални информации социјалдемократите веќе разговарале за амандманите со претставниците на народните партии и не е исклучено да ја добијат и нивната поддршка за нив. За Извештајот за Македонија во Парламентот, вклучително и за новите 18 амандмани поднесени за него, европратениците ќе гласатаа на 29 ноември.

Тамара Грнчароска