СОНК го стави штрајкот во мирување до конечната понуда од МОН за покачување на платите

Седницата на Советот на СОНК, што денеска се одржуваше зад затворени врати и на која се носеше одлука за најавениот генерален штрајк на просветните работници во понеделник, доби поинаков тек. Во нивните простории дојде министерот за образование и по кратка консултација, од СОНК најавија дека донеле одлука да го стават штрајкот во мирување, до добивањето конечна понуда за покачување на платите од МОН.

Таа одлука се базира, врз основа на анализите кои што МОН и министерот ни ги доставија. Тоа е дека за зголемување на платите , од 01.01.2020 година, им се потребни уште неколку денови на министерот и на МОН. За да конечно се обезбедат сретства кои што ќе ги задоволат нашите барања, соопшти претседателот на СОНК, Неделков.

Министерот за образование и наука рече дека тие се залагаат за подобрување на материјалниот и на социјалниот статус на вработените во образованието. Верува дека ќе се донесе решение што ќе ги задоволи двете страни. За таа цел, министертвата за образование и за финансии сега работат на обезбедување сретства за покачување на платите од јануари, потенцира министерот.

Пред извесно време помина информација на влада, е усвоена информација на влада , за покачување на платите за 10% од 1 април. Сега за тоа не дискутираме. Сега дискутираме за покачување на платите од 01. јануари. И ова поместување во смисла на моментот од кога ќе се пресметува третото покачување на платите во дејноста образование, секако дека е неопходно да се обезбедат сретства. И на тоа работиме, рече министерот Адеми.

Адеми го покани членството на СОНК , утре во МОН на , како што рече, последна рунда пријателски и конструктивни преговори. СОНК и Владата одржаа три состаноци на кои се преговараше за зголемување на платите во образованието. СОНК бараше покачување за 10% од јануари , а владата го нудеше тој процент од април. Од август 2018 до сега, платите во образованието беа зголемени за 10, 8% и со новите 10%, СОНК ќе се приближи до над 21% од бараните 25, кои ги темелат на истиот % на зголемување на минималната плата во државата, во последниве години. Поради неисполнетите барања, СОНК одржа предупредувачки протест на 2 септември.

Сотир Трајков