Вести Скопскиот аеродром пуштен за сообраќај откако авион пред полетување заглавил во нанос од снег
Скопскиот аеродром синоќа од 22:45 часот беше затворен за сообраќај, откако воздухоплов на компанијата „Германија“ тип Ербас 321 со околу 200 патници, пред полетување за Цирих заглавил во нанос од снег.
Претседателот на Управниот одбор и директор во МНА-В Николче Тасески изјави дека е завршена операцијата за одглавување на воздухопловот со помош на возила за push back од ТАВ.
-Во воздухопловот нема повредени патници и физички оштетувања на истиот. Компанијата го откажала летот и се очекува да биде реализиран во текот на денешниот ден, истакна Тасески.
