Вести Скопје се чисти на 20 локации
Вработените од јавниот сектор денеска се на акција за чистење на 20 скопски локации и со тоа го одработуваат неработниот ден од годинава, 2 јануари.
Се чисти езерцето Треска во Сарај, Аквадуктот, СЦ „Борис Трајковски“, Кале, Музејот на современа уметност, касарната „Илинден“, Јужен булевар, „Бихаќка“, Државното училиште за физичка култура „Методија Митевски Брицо“, Железничката и автобуската станица, улица „Џон Кенеди“, кај Собранието, цела улица „Македонија“, МКЦ и МТВ, касарната „Гоце Делчев“, улица „Ферид Бајрам“, улица „Александар Урдаревски“, Европската очна болница, улица „Индустриска“ во Гази Баба и целиот кеј на реката Вардар.
Заедно со вработените, чистат и премиерот, министерите, градоначалниците и директорите на институциите.
Акцијата се организира во соработка со граѓанското здружение „Не биди ѓубре“.
