СЈО продолжува со истрага Траекторија- како претставник на државата ќе оди Сугарески

Министерот Сугарески потврди дека за дванаесет дена е повикан во СЈО каде треба да даде исказ за откриени злоупотреби при изградбата на автопаштишта Кичево-Охрид и Миладиновци- Свети Николе. Специјалното обвинителство веќе поднесе обвинителен акт за случај наречен Траекторија во која осомничени се екс-министрите Миле Јанакиески и Владимир Пешевски и поранешниот директор на Агенцијата за патишта Љупчо Георгиевски. Сугарески не открива повеќе детали колкава штета е утврдена со промашените траси на автопатиштата.

Ниту од СЈО не откриваат повеќе детали зошто Сугарески и новиот директор на агенцијата за патишта Зоран Китанов се повикани. Случајот Траекторија беше отворен врз основа на разговорите во кои се слуша како екс премиерот Груевски и Миле Јанакиески зборуваат за цифри и проценти кои ќе бидат предложени на кинеската фирма Синехидро за време на преговорите.

СЈО тврди дека иако имало две понуди, владините претставници фаворизирале една компанија. Судењето почна лани во декември, но рочиштето беше одложено. Со Траекторија досега не беа опфатени евентуални провизии за зделката со парите обезбедни од кинески кредит. Поради грешки во трасата и незавршена експропријација на време, работите на двете патишта беа пролонгирани и рокот за изградба е променет.

Миомир Серафиновиќ