Македонија Седум тела на починати однесени во Судска медицина на обдукција
Седум тела на настрадани во тешката автобуска сообраќајна несреќа се донесени вечерва на Судска медицина, каде ќе се утврдува причината за нивната смрт, информираше репортерот на Телма Миомир Серафиновиќ.
30 патници повредени се донесени вечерва во градската болница „8-ми Септември“ од кои двајца веќе биле починати, информираше директорот Христијан Костов.
На Ортопедија со полесни повреди се хоспитализирани седум лица и се преземаат интервенции.
Двајца се во тешка состојба, а на едно лице со тешки повреди не му е утврден идентитетот.
Меѓу повредените има една бремена жена.
Несреќата се случи околу 17 часот на патот Скопје- Тетово кога од засега не познати причини автобус излета од патот и се преврте на покрив.
