Вести СДСМ се ребрендира – со нови бои и две нови кампањи
Црвено-бела боја ќе биде новата боја со која владејачката СДСМ се ребрендира денеска, а веќе од овој викенд од Штип ја стартува првата од две планирани кампањи со кои пред граѓаните ќе ги објаснува досега остварените ветувања, но и ќе ги сондира нивните барања од локалната и централната власт, најави висок партиски функционер. Под мотото „На прав пат“ од овој викенд во Штип почнуваат над 20 трибини. А после 20-ти октомври, проект „врата на врата“, кој ќе го спроведуваат локалните ограноци.
Двете кампањи се во функција на исполнување на ветувањата на централно и на локално ниво, но и подготовка на новата изборна кампања, велат од партијата.
