Вести Распишани меѓународни потерници за петмина осомничени за 27-ми април
Распишана е меѓународна потерница за петмина осомничени за упадот во Собранието од 27-ми април, кои се во бегство.
Полицијата ги бара Никола Митревски – Кољо, Александар Василевски – Нинџа и уште тројца, осомничени за терористичко загрозување на уставниот поредкок. На сите им е одреден притвор, кој ќе стапи на сила, веднаш штом бидат пронајдени.
Во притвор во Шутка, за настаните од 27-ми април се 23-ца осомничени.
До апелација веќе се поднесени осум жалби за укинување на притворот. Од нив за четворица се бара јавна седница, меѓу нив и за притворот на Владо Јовановски, еден од учесниците во протестите на иницијативата „За заедничка Македонија“.
