Вести Прв протест против загадениот воздух во Струмица
Струмичани денеска се собраа на плоштадот „Гоце Делчев“ и побараа конкретни мерки за енормната загаденост во градот. Сметаат дека ситуацијата не е само алармантна туку и животнозагрозувачка и дека нема време за губење.
Изминатата недела Струмица е еден од градовите со највисока концентрација на пм честички во воздухот, поради што и реакциите на граѓаните зачестија како и иницијативите за протест. Градоначалникот Јаневски вели дека интенизвно ги гасифицираат јавните објекти а и инспекциите биле на терен за контрола на фабриките и домовите.
Овој е прв протест против аерозагадувањето во Струмица. Но организаторите велат дека ваквите собири ќе зачестат за да се сврти вниманието на јавноста но и на институциите.
Сузана Мицева
