Вести Проблемот со кучињата скитници во Тетово и натаму без решение
Заврши и вториот тендер за заловување и згрижување на кучињата скитници. Но, низ градот сликата не е многу подобрена.
Се уште низ јавните површини има бездомни животни. Од ветеринарната амбуланта велат дека со парите кои ги добиле од општинските власти и за двата тендери не можеле да го решат проблемот.
Од Амбулантата се надеваат дека наскоро ќе биде објавен третиот тендер за заловуавње и згрижување на кучињата скитници, во кој ќе биде предвидена поголема сума на пари.
Од Општина Тетово велат дека во тек е процедурата за нов тендер за фирма која ќе се згрижи за кучињата скитници во градот, а повикот се очекува да биде пуштен во следниве неколку дена.
За оваа намена од буџетот на општина Тетово за 2020 година издвоени
се 1 милион денари.
Веќе во месец јули годинава се очекува и завршување на работите околу новиот стационар за кучиња и истиот во тој период ќе биде пуштен во употреба со што се надеваме дека трајно ќе се реши овој горлив проблем на Тетово, потенцираа општинските власти.
Зоран Димовски
