Вести Пожар над скопска Пинтија, огнот на 200 метри од куќите
Пожарот кој претпладнево изби над скопската населба Пинтија, е на 200-те метри од куќите во месноста Девлиште.
Зафатена е поголема површина мешана шума. Огнената стихија е на непристапен терен, а гаснењето го отежнува и ветрот. На терен се три екипи на скопската пожарна, а на помош била повикана и уште една екипа. Помага и локалното население, кое стравува дека стихијата може да дојде до нивните домови.. Апелираат да се активираат повеќе пожарникари. Причините за пожарот не се познати, но мештаните се сомневаат дека е предизвикан од отпушоци кои се фрлени од луѓето, кои тука минуваат.
