Македонија Поради неисправност на водата затворено основното училиште Димитар Миладинов во општина Центар
Општина Центар ја информира јавноста дека од денес (6-ти ноември од 15.30 часот) до четврток (8-ми ноември) ќе биде затворено основното општинско училиште „Димитар Миладинов“. Училиштето ќе биде затворено поради дефект на водоводната мрежа и техничка неисправност на водата.
Воедно, ги информираат родителите и учениците дека нема да има дежурство за продолжен престој на учениците, а се одложуваат и другите активности што се реализираат во училиштето.
Од Водовод велат дека констатирано е дека водата има мирис и земени се примероци кои се дадени на анализа. Резултатите од анализата ќе бидат соопштени во текот на утрешниот ден.
