Планинарите бараат да прекине изградбата на ХЦ на Шар Планина

Да ја спасиме Лешница е мотото на протестниот марш кој вчера се одржа на Шара против изградбата на хидроцентрала. На маршот кој стартуваше од Попова Шапка се до Лешница се приклучија голем број планинари екологисти невладини организации. Тие од властите побараа итен прекин на работите

БАРАМЕ ОД СИТЕ ИНСТИТУЦИИ ИТНО ДА ГИ ПРЕКИНАТ СИТЕ НЕЗАКОНСКИ РАБОТИ ВО ДЕЛОТ НА ХИДРОЦЕНТРАЛИТЕ. ТИЕ ХИДРОЦЕНТРАЛИ НЕМААТ СЕ УШТЕ КОМПЛЕТНА ТЕХНИЧКА ДОКУМЕНТАЦИЈА. СЕЧЕЊЕТО НА ДРВЈАТА И ОТВОРАЊЕТО НА НОВИТЕ ТРАСИ Е ГОЛЕМО, СЕ СЕ УНИШТУВА. ДЕНЕСКА ПРАЌАМЕ ПОРАКА ДО СИТЕ И ГЛЕДАМЕ ШТО СЕ СЛУЧУВА ГОРЕ. ОВАА БОЛЕСТ ЈА ОПФАТИЛА ЦЕЛАТА ТЕРИТОРИЈА НА ШАРА ВО КОСОВО, МАКЕДОНИЈА, АЛБАНИЈА. ТРЕБА ДА ИМА ДЕТАЛНА АНАЛИЗА И ДА СЕ ПРЕКИНАТ СИТЕ ИНТЕРВЕНЦИИ”-ИЗЈАВИ ХАМДИ СУЛЕЈМАНИ, ИНИЦИЈАТИВА „ДА ЈА СПАСИМЕ ПОПОВА ШАПКА“.

Оттаму додадоа дека изградбата на хидроцентралата во месноста Лешница но и во другите делови на Шара само ќе нанесе штета на природата, а жителите од Шарпланинските села нема да добијат никаков бенефит.

Од Национални шуми, велат дека голем дел од сечата и отворањето на широки патишта немаат поврзаност со изградбата на хидрицентралите, туку со нивниот план за работа од 2019-2028 година.

ОДГОВОРНО ТВРДАМ ДЕКА ЈП НАЦИОНАЛНИ ШУМИ И ЈАС КАКО ДИРЕКТОР РАБОТИМЕ СПОРЕД 10–ГОДИШНИТЕ ПЛАНОВИ ЗА СТОПАНИСУВАЊЕ СО ШУМИТЕ, КОИ СЕ ДОНЕСЕНИ ОД РЕСОРНОТО МИНИСТЕРСТВО ЗА ЗЕМЈОДЕЛСТВО. ДРВНАТА МАСА Е НАМЕНЕТА ЗА ИСПОРАКА НА ФИРМИ СО КОИ НАЦИОНАЛНИ ШУМИ СОРАБОТУВА СПОРЕД ОДНАПРЕД СКЛУЧЕНИ ДОГОВОРИ”-РЕЧЕ ЗОРАН ЃОРЃИЕВ, ДИРЕКТОР НА НАЦИОНАЛНИ ШУМИ.

На Шар Планина речиси секоја река си доби своја хидроцентрала со што се уништи бујна вегетација за отворање на пристапни патишта а голем дел од водните ресурси се одзедоа за профит на неколку поединци. Засега надлежните информираат дека изградените хидрицентрали и тие кои се градат ги исполнуваат сите законски услови.

Зоран Димовски