Вести Партиите ги одложија изборите, експертите ги бараат правните модалитети за тоа
Партиите на лидерската средба која ја свика претседателот Стево Пендаровски се договорија за одложување на предвремените избори, но се бара правна основа за оваа одлука да се реализира.
Поради тоа попладнево 30-на минути откако Вила Водно ја напуштија партиските лидери, таму пристигнаа експертите кои ги повика шефот на државата кои треба да ги најдат правните модалитети за одложување на изборите. Таму прва пристигна Гордана Силјановска-Давкова, која претходно беше во делегацијата на ВМРО-ДПМНЕ на лидерската средба, а веднаш по неа и професорите Светомир Шкариќ и Татјана Каракамишева, а повикани се и министерката за правда Рената Дескоска, како и правните експерти Денис Прешова, Јетон Шасивари и советникот на претседателот Александар Спасов.
Партиските лидери во очекување на мислењето на експертите, по средбата се фокусираа на она што е прифатливо за нив:
„Немаме никаква резерва ниту пак проблематизираме дали ќе остане техничка влада или се враќа политичката. Владата треба да продолжи. Нас ни требаат сите стручни луѓе, сите експерти, обединети, заедно сите, да работата на кризата и тоа го соопштивме. И верувам дека ја реласкиравме атмосферата, да знаат сите дека немаме било какви калкулации околу ова прашање. Така да, јас верувамд ека таа влада треба да продолжи“, изјави лидерот на СДСМ, Зоран Заев.
Но и на она што не е прифатливо:
„Она што за кое се рави дилема и за кое што имаше дискусија за време на состанокот беше да се најде правна основа како сето тоа да се реализира. Имаше неуставни предлози да се свика Собранието повикувајќи се на некои минати искуства, но од наша страна беше аргументирано дека тие искуства со ова што денеска е реалност во Македонија не може да се споредат“, изјави Христијан Мицкоски, лидер на ВМРО-ДПМНЕ.
Ставот на ДУИ пак го соопшти Бујар Османи, бидејќи Али ахмети не присуствуваше на лидерската средба. Тој информираше дека на средбата воопшто не се разговарало за можен датум за кога би се доложиле изборите.
„Одлуката беше дека прво треба да знаеме кои се правните патекиз а имплементирање на оваа политичка одлука. Денеска донесовме политичка одлука за одржување на изборите, меѓутоа правните варијанти за имплементирање на истата требаат дополнителни консултации со експерти и со политичките партииуште еднаш“, рече Бујар Османи.
На состанокот со експертите кај претседателот Пендаровски, присуствуваат и претседателот на Собранието, талат Џафери и техничкиот премиер, Оливер Спасовски. Очекувањата се за неколку часа тие да излезат со правно решение за одложување на изборите.
Но ако партиите едногласно се договорија за одложување на изборите, двете најголеми политички партии СДСМ и ВМРО-ДПМНЕ не можат да се усогласат дали поради пандемијата на коронавирусто во државата треба да се воведе вонредна или кризна состојба.
„На оваа средба ја отворив и потребата од воведување на вонредна состојба. Имајќи ја предвид ситуацијата воведувањето воннредна сотојба е неопходно за д аможат уште опбрзо и уште поефикасно да се донесат мерки особено за здравствената состојба на граѓаните, но и за економските мерки за помош кон стопанствоо и граѓаните“, рече Заев.
„Уставот предвидува вонредна состојба и не предвидува кризна состојба, но она што е исто така значајно е што вонредна состојба не е регулирана со закон, односно е регулирана методологија и одговорноста што би значело прогласување на вонредна состојба и кои би биле чекорите. Додека пак постои закон за справување со кризи и тој во минатото беше аплициран, односно кога беа, се сеќавате оние поплави во Скопје и ширум Македонија, тогаш се повикувавме на тој закон“, рече Мицкоски.
Заев притоа рече дека е информиран од премиерот Спасовски дека владата ќе побара воведување на вонредна состојба, а Мицкоски пак рече дека според него прво треба да се воведе кризна состојба на 30 дена, па дури потоа да се размилсува за воведување на вонредна состојба.
Тамара Грнчароска
