Македонија Ограбена екоспозитура на „Халк банка“
Маскирани вооружени разбојници ја ограбиле екоспозитурата на „Халк банка“ на Качанички пат кон Визбегово. Според првичните информации, вооружените лица влегле во банката и им се заканиле на вработените, потоа одзеле непозната сума пари и избегале од местото со автомобилот со кој биле и дојдени пред да го извршат грабежот. Се очекуваат подетални информации од МВР.
По грабежот се огласија и од „Халкбанк АД Скопје“ од каде известија дека нема повредени и дека ситуацијата е ставена под контрола од страна на надлежните институции кои работат на расветлување на случајот. Воедно од таму соопшти дека средствата на клиентите ан банката се осигурени согласно политиките на Банката.
