Негативни и вторите тестови за коронавирус на лидерите на СДСМ и ВМРО-ДПМНЕ

Лидерот на СДСМ Зоран Заев на својот фејсбук профил денеска објави дека и вториот тест за коронавирус што му бил направен согласно здравствените протоколи бил негативен.

Денеска, согласно здравствените протоколи ми беше направен и втор тест за присуство на коронавирусот кој исто како и првиот тест е негативен. Им благодарам на сите за поддршката и во исто време упатувам поддршка со желба за брзо оздравување на градоначалникот на Куманово Димитриевски и на сите граѓани кои се справуваат со вирусот. Се надевам дека премиерот и министрите ќе имаат негативни тестови, пишува Заев.

Преку видео обраќање од својот фејсбук профил за негативниот резултат на вториот тест извести и лидерот на ВМРО-ДПМНЕ Христијан Мицкоски.

На сите вам и на вашите семејства сакам да ви посакам добро здравје а на сите кои што се заболени од вирусот Ковид-19 побрзо закрепнување. Ја користам оваа прилика на медицинските лица, припадниците на МВР и армијата и на сите оние кои што се грижат за македонските граѓани и Македонија, да ви се заблагодарам за сето она што го правите за нас, порача Мицкоски