
МВР отвори телефонска линија и e-mail за информации за корона вирусот и за пријавување на прекршоци
Министерството за внатрешни работи од утре (18.03.2020) во функција ги става бесплатната телефонската линија 0800 00 201 и мејлот [email protected] каде граѓаните (на македонски и албански јазик) ќе можат да добијат соодветна информација во однос на функционирањето на услугите и сервисите на МВР во претстојниот период согласно состојбата со коронавирус и препораките на Владата.
Сите сомнителни случаи, непридржувања кон предвидените мерки за самоизолација, избегнувања на пријавување на луѓе кои се вратиле од странство или пак прекршување на мерките за ослободување на работници граѓаните може да ги пријават на горе наведените броеви. Телефонскиот број ќе работи 24 часа.
Вработените во МВР, каде што тоа е возможно, ги редуцираа контактите со странките во делот на постапки и услуги кои не се итни и кои не се ограничени со рокови. Секогаш кога е тоа возможно, се користи телефонска или електронска комуникација, со цел да се одбегне доаѓањето на граѓаните во институцијата доколку тоа не е неопходно.